Chapter 63
Ngunit kahit anong sasabihin ni Linda, desidido si Alyana na huwag umalis doon.
“Ano pang hinihintay mo, alis!” Para siyang asong binubugaw lang.
"Pero paano po yung pangako kong hindi ako aalis sa tabi niya hangga't..." hindi kaya ni Alyana na sabihin ang karugtong no'n. Kasi hindi naman mamamatay si Gelo. Hindi niya iyon matatanggap. Hindi ibuburol si Gelo. Hindi ililibing ang mahal niya pero iyon kasi ang sinabi ni Gelo kanina nang parang nagbibilin na ito. Iyon din ang pangako niya sa binata.
"Pangako? Anong pangako? Hindi na valid pa iyon! Wala na iyon, Alyana! Nasa amin na ang pamangkin ko at wala kang karapatang magdesisyon. Don't be selfish! Isipin mo naman sina Andrew at Angie, aba! Malaki ka na, kaya mo na ang sarili mo eh ang mga kapatid niya ha? Diyos ko naman Al
