Chapter 52
Walang magawa si Gelo kundi ang ibigay kay Alyana ang bag. Hindi siya nagpahalatang may droga roon.
“Damit at sapatos lang naman ang laman niyan. Naawa lang sa akin si Kuya Zanjo kaya binigyan niya ako ng bagong masusuot.”
Huminga nang malalim si Alyana.
Akala ni Gelo sapat na ang sinabi niya para hindi na ituloy pang buksan.
Binuksan pa rin ni Alyana ang zipper ng bag.
Parang naputol ang paghinga ni Gelo.
Nakita ni Alyana ang sapatos at mga damit.
Hindi na niya binulatlat pa ang bag.
Nang nakapag-ayos sila, nagpasya na silang matulog.
Kinaumagahan, nagpaalam si Gelo kay Alyana para ihatid ang nasa bagong bag na ibinigay sa kanya ni Zanjo. Kinakabahan si Gelo. Kapag nakakakita siya ng pulis o kahit mga traffic enforcer lang para siyang himatayin sa nerbiyos. Hindi siya
