Isang matalim na irap na lang ang binigay ko sa lalaki. Hanggang sa humakbang ako papalapit sa pinto ng silid niya.
“Ayaw kong sumayaw, sa ‘yo na ang cellphone na iyan. Binigay mo na ang cellphone, tapos babawiin mo rin naman. Bibili na lamang ako ng sarili kong cellphone!” paingos na sabi ko sa lalaki. Wala akong narinig na salita mula rito. Agad kong binuksan ang pinto at tuloy-tuloy na akong lumabas.
Pagpasok sa aking kwarto ay pagbagsak akong naupo sa kama. Malalim din akong nag-isip. Pumasok din sa aking utak kung ano’ng mangyayari sa akin dito sa bahay ng lalaking ‘yun kapag nagtagal pa ako rito. Ngunit hindi ako puwedeng umalis lalo at may utang ako kay Master Elron.
Kailangan kong magtapos ng pag-aaral upang makabayad ako sa lalaki. NGUNIT kailan pa nga ‘yun mangyayari? Paano k
