“She’s Hyacinth, Heaven. She’s the new broker,” sagot ni Sera roon sa magandang babae. Tumango naman ang babae at lumapit sa akin bago maglahad ng kanyang kamay.
“Hi, my name is Nevaeh Benavidez. But my cousins call me Heaven, kaya huwag kang malilito na parang may dalawa akong pangalan. Kapatid ko si Avi.” Mahinhin siyang tumawa. Napangiti naman ako dahil sa kanya. Ang ganda niyang tumawa. Sana lahat ay ganoon kaganda kapag natatawa.
“N-Nice meeting you,” nauutal pang pagbati ko sa kanya. Natulala ako sa kagandahan niya. Sobrang ganda niya kasi—halos lahat naman silang magpipinsan. Aakalain mo talaga na mga diyos at diyosa sila mula sa Greek mythology.
Napatingin siya sa aking palad nang matapos ang pagkamay ko sa kanya. “Anong nangyari sa kamay mo?”
Agad kong binawi ang kamay ko at i
