Sinilip kong muli kung saan ko nakita si Silas kanina, iniisip na baka namamalikmata lamang ako. Agad akong nag-iwas nang mapatunayan ko na hindi ako namamalikmata lamang at si Silas talaga iyon. Hindi na siya nakatingin sa akin dahil nakikipag-usap na siya sa isang magandang babae. Oh, is that his new girlfriend?
“Hoy, anong nangyayari sa’yo? Nagulat ako sa’yo kanina, eh. Para kang may pinagtataguan,” agad na tanong sa akin ni Eloise nang matapos siyang makipag-usap sa telepono niya. Umiling naman ako. Hindi ko na lang sasabihin sa kanya na nakita ko lang naman ang boss ko.
Dumating na ang order namin kaya’t pumalakpak ang kanyang mga kamay sa tuwa. Nag-umpisa na kaming kumain kahit pakiramdam ko ay may mga matang tumitingin sa akin. Hindi ako sigurado, pakiramdam ko lang naman. Geez, d
