"OKAY ka lang, Brielle?"
Nag-angat ng tingin si Brielle ng marinig niya ang boses na iyon ni Marie. At nang magtama ang mga mata nila ay napansin niya ang pag-alala na bumalatay sa mga mata nito.
Gusto kasi nitong makipagkita sa kanya. At dahil wala naman siyang manuscript na hinahabol ay pumayag siya. Kailangan din naman niya na may makakausap. Pakiramdam kasi niya ay sasabog ang utak niya dahil sa kakaisip. Ilang araw na nga din siyang walang maisulat dahil nami-mental block siya.
"Okay ka lang?" ulit naman na tanong nito sa kanya. "Kanina ka pa tulala. May problema ka ba?" wika nito sa nag-aalalang boses habang hindi inaalis ang titig sa kanya.
Nagpakawala naman si Brielle ng malalim na buntong-hininga. "Wala akong problema," sagot naman niya dito.
Napansin naman niya ang bahagya
