NATIGILAN si Brielle sa pagto-toothbrush ng kanyang ngipin ng may naisip siyang plano. Agad naman niyang tinapos ang ginagawa niya. Nagmumog siya at ibinalik niya sa lagayan ang hawak niyang toothbrush. At nang matapos ay dali-dali siyang lumabas ng banyo na kinaroroonan niya.
Agad namang kinuha ni Brielle ang sling bag niya na ginamit niya noong nagkita silang dalawa ni Doc Trevor noong nakaraang araw. Doon kasi niya inilagay ang calling card nito na ibinigay nito sa kanya noong araw na iyon. Tawagan lang daw niya ito kung may kailangan siya dito.
At ang natatandaan ni Brielle ay inilagay niya iyon sa loob ng bag niya.
Hindi naman napigilan ni Brielle ang mapakunot ng noo nang hindi niya makita ang calling card nito sa loob ng bag niya. Halos ilabas na nga niya ang lahat ng laman ng
