HINDI pa din nagbabago ang ekspresyon ng mukha ni Apollo ng ituon niya ang atensiyon sa hawak na cellphone ng maramdaman niyang nakalabas na ng tuluyan sa kwarto si Bianca.
Hindi talaga niya maiwasan ang makaramdam ng inis sa babae dahil ilang beses na niya itong pinagsabihan na huwag itong papasok sa kwarto niya ng walang pahintulot pero ilang beses naman itong sinusuway ang pinag-uutos niya. Hindi naman niya alam kung sinasadya ba nitong suwayin ang utos niya o hindi. Pero mukhang sinasadya nito dahil paulit-ulit na lang.
Sa totoo lang ay gusto ni Apollo na paalisin ito dahil hindi naman niya ito kailangan do'n pero inaalala niya ang bilin sa kanya ng Mama niya na huwag itong paalisin. Kapag ginawa ulit daw kasi niya iyon at umalis na naman ang magbabantay sa kanya dahil sa ugali niy
