NAISIPAN ni Brielle na ilista ang mga stock na kailangan nila sa bahay. Wala na kasing laman ang fridge, wala na din masyado laman ang cupboard nila ng i-check niya. At kung hindi sila makakapag-grocery ngayon ay wala na silang kakainin sa susunod na araw.
At gusto sana ni Brielle na mag-grocery siya ngayon para hindi na niya iyon gagawin bukas.
Sabado kasi bukas at sa hapon niyon ay uuwi siya sa kanila dahil day-off niya ng linggo. Gusto din kasi niyang makasama ang mga magulang, gusto din niyang makabawi sa mga ito. Nang tawagan kasi siya ng Papa niya noong nakaraang araw ay mababakas sa boses nito ang pangulila sa kanya. At gusto naman niya sa day-off niya ay ibigay niya ang oras sa mga ito. Last kasi na day-off niya ay hindi niya masyado nakasama ang mga ito dahil nga nakipagkita s
