My Midnight Kiss (Completed)

“SA TINGIN mo ba paanong hindi iinit ang ulo ko dahil sa ginawa niyo? Hinayaan niyo na lang basta na pumunta si Rina kung saan mang lupalop ng Pilipinas for her job. Besides paano kaya kung may nangyaring masama sa kanya anong gagawin niyo?” naasar na bulalas sa kanya ni Aveial sa kabilang linya.           Jeff just rolled his eyes irritably, masyado yatang nagiging paranoid si Veil nitong mga nakalipas na taon. Tchh… kasalanan ba niyang kailangan ng dalaga na umalis para sa trabaho? Pasalamat nga ito at nakasama siya sa dalaga kahit todo ang pagtanggi nito na wag siyang bumuntot. Syempre hindi ito pwedeng iwan mag-isa dahil alam niyang mapapahamak ito oras na may makaalam na isa itong rare blood. Siguradong hindi siya aabutan ng bukas oras na malaman ni Ave na may nangyaring masama sa dalaga.           “Jeez, Veil in case you forgot twenty four years old na si Rina and she is already capable handling herself. Isa pa nagawa ko naman na makasama sa kanya kaya wag ka nang magreklamo diyan.”  Katwiran niya habang nakaupo sa isa sa mga wicker chair at umiinom ng juice, pinagmamasdan ang dalaga na nagta-trabaho malapit sa pampang. “Right, as if naman si Rina ang binabantayan mo if I know puro babae? Saka dapat na si Marlon na lang ang pinasama mo dyan sa sama ng tingin `non malamang lahat ng lalaki hindi na makakalapit kay Rina.”  He laughed at Ave’s remark, totoo naman ang sinabi nito. “Marlon have a raging temper due to his wolf, and as for me I’m not that busy on the shop kaya kaysa maghuramentado ka na walang kasama ang girlfriend mo, ako na lang ang pumunta kaya pasalamat ka na lang.” muli siyang uminom sa hawak na baso habang sinusundan ng tingin ang mga babaeng naka bathing suit na lumakad sa harap niya.  Ang shop na sinasabi niya ay ang machine shop na naitayo nilang dalawa ni Marlon dahil sa pagkahilig nilang dalawa sa kotse matapos nilang makapagtapos ng college dahil na rin sa kagustuhan ni Emerson, kung bakit sila sumunod? Simple lang dahil baka totohanin ni Emerson ang sinabi nitong makakarating sa Prinsipe ang pagsuway niya sa utos nito at baka sa kangkungan pa siya kabagsakan. Nawala ang iniisip niya nang marinig niya si Ave na nagsalita sa kabilang linya. “Yeah right.” He scoffed. “Parang hindi ko alam na sinusundan mo ng tingin ang babaeng lumalakad sa harapan mo ngayon.” Hindi niya mapigilang maibuga ang iniinom at saka mabilis nilibot ang tingin paligid nang hindi niya ito makita o kahit ang presensiya nito ay mabilis siyang nakahinga ng maluwag para lang mairita nang marinig niya ang malakas na tawa nito sa kabilang linya. “What the f**k? Are you a psychic or a vampire?” naiiritang bulalas niya, nakakaasar talaga ang lalaking `to kahit kalian.             “I just know you more than you can imagine.”           “That sound’s creepy dude.”           “Yeah right basta bantayan mo dyan si Rina kapag may nakalapit diyan na umaaligid-aligid na insekto ikaw ang palalaklakin ko ng insecticide.”           “Yeah, yeah whatever.” Kapagkuwan ay nakita niya ang isa sa mga male model na tila aali-aligid kay Rina pero napansin niya agad na may kakaiba ditto kaya naman lumapit na siya.           “Decide to help?” nakataas-kilay na tanong sa kanya ng dalaga.           “Well, sort of.” Sagot niya at ngumisi kahit ang totoo kaya naman talaga siya nandoon para lang magsight-seeing ng mga babae gaya na lang ng sinabi ni Ave sa kanya kanina pero syempre naman tanggi dapat siya hindi ba?           Padabog na ibinigay sa kanya ni Rina ang reflector nito. “Ayan itapat mo sa mga modelo kaya magpakatino ka kung ayaw mong ilublob kita sa dagat.”           “Masyado ka talagang brutal kahit kailan.” pumuwesto siya malapit sa isang modelo at kinindatan ito nang sabihin sa kanya ni Rina kung ano ang gagawin niya. Namula ang mukha nito at hindi niya maiwasang mapangisi mukhang may entertainment na siya roon mamaya.           “Jefferson! Ayusin mo yang hawak sa reflector kung hindi susunugin kita gamit `yan!” nauwi tuloy ang ngiti niya sa ngiwi. Paano ng aba nagustuhan ito ni Ave obvious naman na battered husband in the future ang kalalabasan nito.           “Eto na po.” Pasimple niyang tinignan ang lumapit na lalaking modelo kay Rina kanina at sinamaan siya nito ng tingin mukhang tama ang hinala niya sa isang `yon.           Ang mabuti pa siguro ay siguraduhin niya na hindi na ito makakapanggulo lalo na sa katulad ni Rina na isang rare blood maraming mga new bloods ang naghahangad ng kapangyarihan na mula sa dugo nito. Mahirap ang makipaglaro sa pagkakataon baka matalo pa siya.           KINAKABIHAN agad niyang hinanap ang lalaking modelo kanina na lumapit kay Rina sigurado siyang hindi ito basta-basta matatakot sa presensiya niya gayong halata naman na hindi pa rin nito napapansin kung ano siya masyadong mahina ito kung hindi ay malamang na masasabi nito kung gaano siya kalakas. Ang kinakainis lang niya ay hindi man lang siya magkakaroon ng magandang gabi mula sa mga babae na nakunan niya ng number kanina dahil sa istorbo na `yon balak sana niyang mag-bar hopping saka magkaroon ng magandang tulog sa tabi ng mga babae pero mas mabuting unahin na muna niya si Rina kaysa naman tuluyan na siyang mawalan ng tyansa sa mga babae dahil siguradong tatapusin ni Ave ang buhay niya kapag nalaman nitong nasaktan ang kasintahan sa ilalim ng pangangalaga niya. Habang naglalakad palabas sa hotel na tinutuluyan nilang dalawa ni Rina ay agad na nagtayuan ang mga balahibo niya sa batok tanda ng panganib na nasa malapit lang. Agad siyang kinutuban ng masama at saka siya kumilos para makarating sa suite na tinutulugan ni Rina gamit ang di niya pangkaraniwang bilis kaya walang nakahalata sa kanya na nakapasok sa loob ng kwarto ng dalaga. Ang hilig pa man din nito na hindi mag lock ng pinto kapag nasa hotel. Napamura na lang siya ng malakas nang makita niya kung gaano na kalapit ang lalaking new blood kay Rina para gawing hapunan ang huli. Mabilis niya itong sinunggaban, sa isang iglap ay naitapon niya ito palabas ng veranda at tumilapon ito sa labas at saka siya napailingnang makita niya ang mahimbing na tulog ng dalaga na tila wala itong alam sa panganib na sinuong nito. Tama lang siguro ang desisyon ni Ave at Emerson na iwan silang dalawa roon ni Marlon para protektahan si Rina na nagtataglay ng rare blood dahil sa palaging pagsasawalang bahala nito sa paligid na madalas na nagpapahamak rito pero hindi pa rin nila maiwasan mapikon ni Marlon dahil sa biglang pagalis ng dalawa. Hindi lang ito ang una niyang laban sa isang new blood kaya sanay na rin siya sa mga ganitong scenario. He sighs as he jumped from the veranda and landed perfectly in front of his enemy. “So care to state your concerns newblood?” Pinahid nito ang dugo mula sa sugat nito sa mukha dahil sa malakas nitong pagkakabagsak. “It’s none of your business half blood, hindi ko akalain na may isang katulad mo sa tabi ng isang rare blood.” “Well actually hindi lang ako sa tabi niya kaya naman kung ayaw mong mawala sa mundong `to mabuti pang tigilan mo na si Rina.” Aniya. Ngumisi ito.”Yeah right as if papalampasin ko na matikman ang kapangyarihan ng dugo ng isang rare blood.” Anito saka biglang umatake. He tsked. “You ask for it.” Saka mabilis na kumilos para umilag bakit ba masyadong pasaway ang mga new bloods? Ang sarap talaga nilang idispatsa lahat. Bakit ba kasi ang hilig ng mga blue bloods na mag-convert ng mga tao para maging new bloods? Doon naman siya nagising sa pagrereklamo niya saka mabilis bumawi sa atake nito at malakas sinuntok ito sa mukha kaya ito muling tumilapon, sa pagkakataon na `yon ay sa isang puno ng niyog ito bumalandra. Kahit kailan talaga masyadong nakakatamad lumaban sa mga kagaya nitong isang new blood na walang naman na ibubuga. Kaya mas minabuti na lang niya tapusin na iyon kaysa mag-aksaya pa ng oras sa katulad nito na dapat lang mawala.  Bago pa ito tuluyang gumanti ay ginamit na niya ang kapangyarihan bilang isang wizard. Sandali itong natigilan at sumigaw bago unti-unti nang naging abo ang buong katawan nito. Napabuntong hinga na lang siya kasabay nang pagka-cast ng spell para makalimutan ng mga tao na narito ang existence ng New Blood. Kahit na alam niyang hindi naman mabubura sa isip ni Rina ang lalaking `yon. Siguradong katakot-takot na naman na explanation ang kailangan niyang gawin kapag nalaman nitong nawawala ang lalaki.           Ahh ewan... mas mabuti nang itulog na lang niya ito kaysa ang mamoblema pa. Nakakasira lang `yon sa ulo.