Siya si Mon Francisco, ang nag-iisang anak na babae ng pinakamayamang negosyante. Nasa kanya na ang lahat, kagandahan, kayamanan, at katanyagan. Sa kanilang kayamanan ay nakukuha niya ang lahat ng gusto niya. Para sa kanya, walang makakapigil sa kanya pagdating sa pagkuha ng gusto niya. Dumating sa buhay niya si Sam Ramirez, sa lakas ng karisma na taglay nito, lalo na kapag nakatitig at nakangiti ito, ay mabibighani ang sinumang makakasalamuha nito. Siya ay ang kasintahan ng kanyang ama. Sa pagpasok nito sa buhay nila, hatid naman nito ang malaking pagbabago sa buhay niya. Sa kagustuhan niyang maalis ito sa buhay nila ay gagawin niya ang lahat para masira ang imahe nito sa kanyang ama. Pero paano, kung sa hindi inaasahang pagkakataon... ay iibig siya rito?

Lumaki sa marangyang buhay si Tanchellie Lobete ngunit matapos naghiwalay ang mga magulang niya lahat ng 'yon ay nagbago. Sumali siya isang paligsahan dahil iyon ang nakikita niyang bubuo ulit sa nawasak niyang pamilya subalit sa pangalawang pagkakataon ay nabigo siya. Iyon ay dahil kay Sarah Garcia. Paano kung sa pangalawang pagkakataon ay pagtatagpuin sila ng tadhana? Paano kung ang pagtatagpong iyon ang babago sa buong pagkatao nila? Sa kwentong ito ay masasaksihan natin ang dalawang pusong pag-iisahin ng tadhana na handang gawin ang lahat sangalan ng pag-ibig.

Mag isang lumaki si Laiza Dela Cruz. Natuto siyang tumayo sa sarili niyang mga paa na hindi umaasa sa iba. Naging pursigido siya sa mga pangarap niya sa buhay hanggang sa naging matagumpay sa larangan ng musika at naging isang magaling na arkitekto. Dumating sa buhay niya si Whian Martinez. Isang babaeng maganda, mabait, at nanggaling sa mayamang pamilya. Sa hindi inaasahang pagkakataon ay iibig siya rito at magdadala ito ng malaking pagbabago sa buong buhay niya. Ano kaya ang magiging papel nito sa buhay niya? Sa kwentong ito matutunghayan ang iba't ibang klase ng pag-ibig na handang magsinungaling, makipaglaban, at magparaya para sa taong minamahal.

"I think, this is a goodbye, ‘cause I am not the right one for you. You deserve someone better na maibibigay lahat ng gusto mo. You deserve someone better na alam kong doon ka mas sasaya." ~Sarah "I don't care kung mayaman ka o kung mahirap ka. The important thing is mahal kita." ~Tanch