Nag-iba ang ikot ng mundo ni Eunice nang dumating sa buhay niya si Mat-mat. Ang sanggol na iniwan sa tapat ng kanilang bahay.
Sinubukan nilang hanapin ang magulang ng bata ngunit hindi nila ito nakita. Inako ng kanyang ina ang pangangalaga rito. Inampon nila ito. Ngunit ng mamatay ang kanyang ina ay nalaman niyang siya pala ang inirehistrong ina ng bata.
Noong una ay natakot siya sa sasabihin ng ibang tao, ngunit nang titigan niya ang sanggol ay lumambot ang kanyang puso. Pinanindigan niya ang pagiging ina rito, kahit na marami ang humuhusga sa kanya.
Itinuon niya ang oras sa pag-aaral at pag-aalaga kay Mat-mat. Hindi niya napapansin na may isang tao na matagal nang nagmamasid sa kanya.
Si Ezekiel Vincent, ang guwapo, matalino, mayaman, ngunit masungit niyang kaklase simula pa noong high school.
Ano nga ba ang magiging papel nito sa buhay niya?