NINONG NOAH'S LOVE CONTRACT

AUTHOR’S FRIENDLY REMINDER: THIS STORY IS MATURE CONTENT, AGE GAP STORY AND NOT SUITABLE FOR YOUNG READERS. PLEASE, READ AT YOUR OWN RISK. THEA FAITH “Akin na ang pera! Ibigay mo sa akin!” Sigaw sa akin nang stepmom ko. “Ano pong pera, auntie?” “Ang sahod mo,” mabilis na sagot niya sa akin. “Wala na po akong pera, auntie. Binili ko na po ng mga gamot ni daddy,” sagot ko sa kanya. “Bakit ba panay ka pa bili ng gamot eh mamatay na rin naman na ‘yan?” “Anong sabi niyo? Mamatay na? Hindi naman po yata tama na ganyan ang pananalita niyo.” Naiinis na sabi ko sa kanya dahil hindi ko gusto ang lumalabas sa bibig niya “Ano pa ba ang aasahan ko sa daddy mo. Palubog na ang company niya, naka-freeze ang mga ari-arian niya na anytime ay kukunin na ng bangko at wala na siyang pera. At ikaw naman wala ka ring silbi! Bakit ka pa ba kasi natatyaga sa pagtuturo mo eh maliit lang naman ang sahod mo?!” Galit na tanong niya sa akin. “Opo, maliit lang ang sahod ko pero mahal ko ang trabaho. At ang trabaho ko ang nakakatulong sa mga pambili ng gamot ng daddy ko,” sagot ko sa kanya dahil hindi ko hahayaan na insultuhin niya ang propesyon ko. “Whatever!” Sabi nito at tumalikod na. Naiwan naman ako na nakatayo na nagpipigil ng galit ko. Hindi ko alam kung ano ba ang nagustuhan sa kanya ng daddy ko. May stepsister ako na ubod ng pagka-maldita at siraulo naman ang kapatid nitong lalaki. Ang sarap nilang itapon sa totoo lang. Kung hindi ko lang talaga mahal ang daddy ko ay lalayasan ko sila. Pero kahit anong gawin ko ay ako ang tunay niyang pamilya. Kaya sa huli ako pa rin ang dapat na mag-alaga sa kanya. Kahit na alam ko na sobrang hirap ng sitwasyon ko ngayon ay hindi ko iiwan ang daddy ko na may sakit dahil hinayaan niya akong gawin ang mga nais ko. Alam ko na he cares for me kahit pa hindi kami nagkakaroon ng time na magbonding na dalawa. Napa-hinga na lang ako ng malalim at naglakad na paakyat sa room ko. Marami pa akong gagawin dahil busy ako sa school. Kailangan kong magtrabaho dahil ito ang nakakatulong sa akin. Sa amin sa mga expenses dito sa bahay. Minsan ay nakakapagod ng umuwi sa bahay na ito. Kahit pa ito na lang ang mayroon kami. Pero wala eh, kailangan ko pa rin lumaban. ****** “Good morning, daddy.” malambing na bati ko sa kanya. Alam ko na binabati rin niya ako. Hindi lang niya masabi. Na-stroke ang daddy ko kaya apektado ang buong katawan niya. Bago ako papasok sa trabaho ko ay inaasikaso ko na muna siya. Laking pasasalamat ko rin dahil hindi kami iniiwan ni Yaya Lenie. Siya ang nag-aalaga sa daddy ko kapag nasa trabaho ako. “Anak, umalis ka na. Ako na ang bahala sa daddy mo. Baka ma-late ka na sa work mo,” sabi niya sa akin. “Okay po, yaya. Salamat po,” sabi ko sa kanya. “Daddy, kailangan ko na pong magwork. Si yaya na lang po muna ang mag-aasikaso sa ‘yo,” sabi ko sa kanya. Tumango ito bilang sagot kaya hinalikan ko siya sa noo bago ako umalis. Nagmamadali naman akong pumasok sa trabaho ko. Maglalakad pa kasi ako palabas sa subdivision namin dahil nga wala na ang kotse ko. Sa totoo lang ay sobrang nahirapan ako noong una dahil komportable ang buhay ko. May driver na naghahatid sundo sa akin kapag papasok at uuwi na ako galing sa trabaho ko. Noon ‘yon at iba na ngayon, dahil ngayon ay sumasakay na lang ako sa jeep. “Okay lang, Thea. Magiging okay rin ang lahat,” kausap ko sa sarili ko. Nang makarating na ako sa school kung saan ako nagtuturo ay kaagad akong napangiti dahil sa mga students ko na mga cute. “Good morning, teacher Thea.” nakangiti na bati sa akin ng grade one students ko. “Good morning sa aking mga pretty and handsome babies,” malambing na bati ko sa kanila. Sa totoo lang ay sila talaga ang nagpapasaya sa akin. Dahil sa lumaki ako na mag-isa lang ay mahilig talaga ako sa mga bata. Sila ang safe haven ko, ang nagpapagaan ng lahat sa buhay ko. Sa kanila ko nararamdaman ang pagmamahal dahil ang lambing talaga ng mga students ko. “Teacher, ang pretty mo po talaga.” “Thank you po, pero mas pretty ka po.” nakangiti na sabi ko sa cute na cute kong students. “Teacher, may boyfriend ka na po ba?” “Bakit mo po tinatanong?” “May pogi po akong kuya, teacher,” nakangiti na sagot niya sa akin kaya napangiti ako. “Ako rin po, pogi rin po ang kuya ko.” “Mga anak, open your book on page 60,” nakangiti na sabi ko dahil kukulitin na naman nila akin. Mabuti na lang talaga at masunurin ang mga ito. Nagsimula na kami, para sa akin ay nakaka-relax ang magturo sa mga batang ito. Gusto rin talaga nilang matuto. Kaya naman masaya ako na nakikinig sila sa akin. Pero nang nasa sa kalagitnaan na ako ng klase ay nakatanggap ako ng tawag mula kay yaya. “Anak, inatake na naman ang daddy mo. Nandito kami ngayon sa hospital,” sabi niya sa akin. “Papunta na po ako, yaya.” sabi ko sa kanya. “Mga anak, behave lang kayo dito ha. Lalabas muna si teacher,” sabi ko sa mga students ko. “Okay po, teacher.” Mabilis akong lumabas dahil kailangan kong pumunta sa principals office para magpaalam na kailangan kong puntahan ang daddy ko. Sa totoo lang ay natatakot ako ngayon. Pangatlong beses na kasing inatake ang daddy ko. Laking pasasalamat ko dahil pinayagan naman ako ng principal namin kaya naman mabilis akong pumunta sa hospital. Pagdating ko doon ay nakita ko ang daddy ko na nasa emergency room. “Yaya, ano po ang nangyari sa daddy ko?” “Galit na galit ang stepmom mo at inaway niya ang daddy mo. Hanggang sa muli na namang inatake ang daddy mo,” umiiyak na sagot sa akin ni yaya. Naikuyom ko ang mga palad ko sa galit. Hanggang sa biglang dumating ang stepmom ko. “Sumama ka sa akin,” sabi niya sa akin. “Saan po?” “Magpapakasal ka na,” sabi niya sa akin na ikinagulat ko. “A–Anong sabi mo?” “Ang sabi ko magpapakasal ka na!” sagot niya at pilit akong hinihila paalis.