ISANG laro na lamang ang kailangang malaro ng CISA Flamers at laban ito sa isang malakas na koponan, ang DWCC. Ilang araw nga bago maganap ang larong ito ay puspusan na ang paghahanda ng mga taga-Green Archers dahil alam nila na malakas ang makakalaban nila. Naroon nga ang matandang babae nitong coach na nakabantay sa kanyang mga players sa pagpa-practice. Nakikita nga niya na ang seryoso ng kambal na Agoncillo sa kanilang paglalaro, isang bagay na hindi niya madalas makita sa mga ito.
Tiwala naman si Coach Rhodora sa kanyang mga manlalaro, lalo’t kasama rin nila si Williams at Xi na kapwa last year na rin sa pag-aaral sa school. Hindi rin naman matatawaran ang galing ng kambal niyang ace players na noon pa man ay kitang-kita na ng marami. Naging maganda rin kasi ang naging paraan niya
