16-12 ang score at mahigit limang minuto na lamang ang natitira sa unang quarter ng laban sa pagitan ng Flamers at Thunder. Umpisa pa lamang ng laro ay naging mainit na ang laban lalo na nga nang magpakawala ng mga plays ang ace player ng SA na si Raven Legazpi. Tila ba, nakakalamang na ang kalaban ng CISA sa kanila sa unang mga minuto, subalit matapos ang pagtawag ng time-out ni Coach Erik ay mabilis na humabol ang mga ito matapos ang isang 9-3 run. Ang huli ngang puntos ng Flamers ang tila nagpatahimik sa homecrowd sapagkat isang pambihirang play ang ipinamalas ni Rommel Alfante.
Nasa SA na muli ang bola, sa kamay ni Legazpi at seryoso itong nakatingin kay Alfante na nakaabang na sa side nila. Iniisip pa rin niya kung paano nangyari ang pasa na iyon kanina at hindi niya malaman kung
