NAKITA ni Rommel Alfante ang pinaggagagawa ng mga ka-team niya sa loob ng court. Naghahabulan ang mga iyon at sa huli ay nakita niyang niyakap ng apat na kakampi niya si Kier Cunanan. Makikita sa mga iyon ang ngiti at saya sa mga labi at pagkatapos noon ay humanda na ang mga ito para sa pagkuha ng possession. 38-26 na ang score at makikita ring humahabol na nang paunti-unti ang Pinamalayan Hunters sa natitirang limang minuto ng second quarter.
“Mga sira ang mga players dito,” mahinang nasambit ni Rommel na seryosong napatingin sa loob ng court.
Narinig naman iyon ni Ricky at napangiti.
“Oo, mga baliw ang mga taga-CISA. Ano ba ang experience mo sa CU, Rommel?” sambit naman ni Ricky at si Rommel ay parang natulala nang kaunti nang marinig iyon. Mabilis din naman niyang iwinaglit
