NANG mapatingin si Ricky nang mabuti sa babaeng niyakap niya ay para siyang binuhusan ng malamig na tubig. Hindi pala ito si Andrea, kundi ang pinsan nitong si Chloe. Agad nga siyang lumayo at bumitaw mula rito.
“S-sorry!” natatawang winika ni Ricky at hindi siya makatingin nang maayos sa dalaga na nakasuot ng white pants at black shirt.
“Nakakahiya…” sabi pa ng binata sa sarili at napatingin siya sa paligid. Wala naman daw sigurong nakakita sa kanila at sana nga ay wala.
“It’s okay… I know, you’re still missing my cousin. At magkamukha nga naman kami ni Andrea, nagkataon lang na mas beautiful ako.” Nilagyan ni Chloe ng pagbibiro ang kanyang sinabi sa binata sapagkat naramdaman niyang nailang ito sa kanya.
Hindi ito napansin noon ni Ricky pero magkahawig nga naman ang dalaw
