PAGLABAS ni Bornok ng establisyementong kanyang pinag-apply-an ay napangiti siya. Natanggap siya sa trabaho at hindi siya makapaniwalang makakapasok siya rito. Akala niya ay babagsak siya, pero heto at hindi man lang siya nakaramdam na mare-reject sa HR nito.
“Ang bait ng HR nila,” sabi niya sa sarili at tiningnan na niya ang requirements na kailangan niyang ipasa. Kompleto siya sa gov’t papers at tanging clearances at medical na lang ang dapat niyang kunin. Agad na siyang nagpunta sa City Health office para humingi ng lalagyanan ng dumi at ihi. Dumiretso na rin siya sa kuhanan ng Cedula at tumungo sa kuhanan ng police clearance. Tumagal siya ng isang oras doon at pagkatapos nito ay nagpa-xray na siya.
Ang medical na lang ang kailangan niyang tapusin kaya naghanap siya ng isang paying CR
