NAMANGHA kaagad si Trixie sa nakita niya sa pagdating ng sasakyan nila sa bahay ni Mira. Hindi ito super laki, pero may kagandahan pa rin ito sapagkat may second floor ito at makikitang may maliit na bakanteng garden pa ito sa tabi. Kung susukatin ang lote ay nasa 120 square meters lang ito, at may maliit na parking area sa kanan. Paghinto ng sasakyan ay agad na bumaba si Bornok mula sa likuran.
Pinagmasdan niya ang paligid at napatanong siya kay Ma’am Mira.
“Sino pa ma’am ang kasama ninyo rito na nakatira?”
“Wala Bornok, mag-isa lang ako… Pero ngayon, si Grance,” sagot ng dalaga at nakita nila si Grance na nagbubuhat na kaagad ng gamit.
“Ang ganda ng bahay mo ate Mira. Mabuti na lamang at dito na kami titira… Ayaw ko na roon sa mabahong lugar na dating tinitirahan ni Bornok,” sabi nam
