"WOW! Pre, ang lupet ng banda ng department ninyo. Lalo na 'yong bokalista," bungad kaagad ni Lebron sa akin kinabukasan.
"Siya nga rin pala pareng Mellard, bakit ang corny ng outfit no'ng vocalist? Ni hindi nga tinanggal 'yong maskara... Pero magaling!" dagdag pa niya.
"H-huh? E-eh, hindi ko nga rin alam kung bakit gano'n? Talaga? Magaling ba 'yun? Para namang hindi," sabi ko naman sa kanila. Medyo pigil din ang reaksyon ko dahil baka mabisto nila ako.
"Hindi ka ba nakinig sa pagkanta niya? Rinig na rinig nga naman kung gaano kaganda ang boses at kung paano ito tinanggap at pinalakpakan ng mga manonood, kagabi. 'Yun pa ba ang hindi magaling pareng Mellard? E-eh panis na panis 'yong banda nina Lawton do'n... puro lang sila pa-cute! Eraserhands, the best!" sabi naman ni Dwyane sa akin na
