MAGALING kumanta si Lorraine. Tanda ko pa nga noong nanalo siya sa isang singing contest dito sa campus. First year pa lang kami rito noong time na iyon at siguro kaya hindi ko siya nakita kahapon ay dahil busy siya sa paghahanda para rito. Ang masaklap nga lang ay si Andrew pa ang nakasama niya para rito.
"Ano ba 'yan? Na-expose na naman si Lawton sa madla!" angal ni Lebron sa tabi ko.
"At kasama pa itong si Ms. Gonzales, lalo na namang lumakas ang loob ng Lawton na 'yan!" pahabol pa ni Dwyane.
"Basta ang alam natin... Hindi pa sila ni Ms. Gonzales! Boom! Tapos ang usapan!" banat naman ni Chris.
Ako naman ay tahimik lang na tinitingnan ang dalawa sa stage. Habang ganoon ang ginagawa ko ay hindi ko maiwasang mag-isip nang kung ano-ano. Ano nga ba ang laban ko kay Andrew? Talented, gwap
