KINABUKASAN, magkakasama kami nina Lebron. Pupunta na sana kami sa gym para manood ng Ultimate Quiz Bee Challenge na malapit nang umpisahan. Pinag-uusapan pa nga namin kung may makakatalo pa kaya kay Andrew Lawton sa contest na ito nang biglang...
"Mr. Cruz?!"
Biglang may tumawag sa aking lalaki.
"Mr. Cruz! Sa wakas, nahanap din kita. Pinapatawag ka nga pala ni Sir Alejandro sa kanyang office. Kanina ka pa niya pinapahanap," sabi ng lalaking kapwa engineering student ko rin.
"Bakit daw?" tanong ko.
"Hindi ko rin alam, basta pumunta ka na agad! Tayo na at importante yata ang sasabihin sa 'yo ni sir."
Nagmadali na nga kaming umalis.
"Mga pare, umuna na kayo. Ipagtira n'yo na lang ako ng uupuan," sabi ko kina Lebron bago ako tuluyang umalis.
"Ah sige pare, pumunta ka na. Emergency yat
