NAKABALIK na si Saber sa dimensyon ng mga mortal at ito ay sa tulong ni Father Arnel. Lumitaw sila ng pari sa parallel place ng bahay ni Lior. Mabilis nga silang umalis doon at ito ay sa pamamagitan ng teleporting ability ni Saber. May natitira pang kaunting lakas ang binata at lumitaw sila sa bahay nina Sandra pagkatapos noon.
Tuluyan na ngang nawalan ng malay si Saber at ang pari naman ay nagmamadaling kumatok sa bahay ng mga Legazpi. Nagmadali namang sumilip si Sandra sa bintana ng kanyang kwarto at doon na tumambad sa mga mata niya si Father Arnel at ang nakahigang si Saber na walang malay. Napatakbo kaagad siya patungo sa pinto at mabilis na pinagbuksan ang mga ito.
“F-father? A-ano po ang nangyari?” bulalas ni Sandra at si Father Arnel naman ay seryosong pinagmasdan ang dalaga.
“N
