PUMAYAG naman ang mag-asawang Helen at Kaloy na patirahin din dito sa kanilang bahay ang pusa na napaka-cute pagmasdan. Gusto nga nilang kargahin o hipuin ang malagong puti nitong balahibo, ngunit, sabi ni Saber ay huwag daw dahil ayaw raw nito na nagpapahawak. Kinagabihan ay wala namang gaanong nangyaring kakaiba sa bahay ng mga Legazpi. Pagkatapos ngang kumain ni Saber ay nagtanong siya sa mga kasama niya ng pwedeng ipakain sa pusa nilang kasama rito na naroon sa may salas, sa sofa, at kasalukuyan ngang sitting pretty ang itsura nito habang nakatingin sa TV.
“Ang cute, parang nanonood ng TV… Ano ang pangalan niya Saber? May name na ba siya? Gusto mong ako na ang magbigay?” wika pa ni Sandra na naka-ilang kuha na ng picture sa pusa gamit ang kanyang phone. Dahil naman nga sa sinabi ni Al
