***
Pagkakain, muling bumalik sa pinagkakaabalahan ang babae. Palingon-lingon naman si Nathan sa kinaroroonan nito. Nakaupo na siya sa tapat ng malaking mesa ni Gian, kung saan nakapatong ang babasaging nameplate na may nakasulat na pangalan at posisyon ng kaibigan.
Hanggang ngayon ay 'di pa rin siya mapalagay sa inaasta ng babae. Hindi kasi 'yon normal at 'di rin katanggap-tanggap para sa kaniya. Ilang taon niyang pinagtrabahuhan ang kaniyang kasikatan, ilang beses na nga siyang naging ambassador ng iba't ibang NGO's kaya kahit sa Mindanao ay nakakarating siya.
Kilalang-kilala na rin siya sa buong Asya, pero ang babaeng 'yon, hindi siya kilala?
Imposible!
Talaga namang imposible.
"Sino ‘yon?" tanong niya kay Gian nang 'di na makatiis.
"Sino pa ba sa p
