PAGSASANAY! Ito lang ang bagay na nasa isip ni Beazt. Kahit hindi nga niya alam kung paano niya mapapalabas ang kanyang aura ay hindi naman siya nangangamba, dahil mas nasanay siyang wala ito. Nananatiling ang kanyang pisikal na lakas at ang kanyang karanasang dulot ng araw-araw na pagsasanay niya ang kanyang kapangyarihan.
Hindi ganoon kaliwanag sa kinatatayuan ni Beazt habang siya ay nakikipaglaban, at ang liwanag na makikita sa pwesto niya ay dulot lamang ng ginagawa ng kanyang mga kasama. Kasama na rin dito ang maliwanag nitong mga aura. Ngunit hindi naman iyon naging hadlang para hindi siya makasabay sa kanyang mga kalaban.
Mabilis na sinalag ni Beazt ang sabay na suntok ng dalawang malalaking mga toro mula sa kanyang harapan. Sa lakas nga noon ay napaatras siya dahil dito, ng
