SA KABILA ng malaking katawang tinataglay ng haring leon ay naipamalas nga nito ang taglay niyang bilis. Ang surpresang pagsuntok ni Beazt ay mabilis niyang iniwasan at bigla na lamang siyang lumitaw sa likuran ng nasa ere pa ring binata. Sumilay kaagad ang ngiti sa labi nito at dito’y isang mabilis at malakas na hampas ang kanyang ginawa patungo sa binata.
Isang malakas na hangin ang kumawala nang dumampi sa likod ni Beazt ang kasing-laki na nitong kamao ng hari. Binalot naman si Beazt ng kanyang aura ngunit hindi iyon sapat upang mapigilan ang atakeng iyon. Agad siyang bumulusok paibaba at bumaon ang kanyang katawan sa lupa dahil sa pwersang ibinigay noon. Kasabay rin nito ay ang malakas na pagsabog at pagyanig ng paligid dahil sa pagbagsak niya.
Marahan namang tumayo nang maayos
