Angelo Cervantes
Nagda-drive ako papunta sa bahay ni Bea. Hindi niya alam na pupuntahan ko siya. I want to surprise her. Madalang na kasi kaming lumabas dahil sobrang busy ko sa trabaho. Mabuti na lang at naintindihan niya ako.
"Hello! Kuya Gelo, susunduin mo ba si Ate?" ani ni Max, nakaka-batang kapatid ni Bea.
"Oo. Nand'yan ba siya?"
"Max, halika rito. Mag-igib ka na tubig kina Belen nang may magamit tayo." Boses 'yun ni Nanay Minda. Nanay nina Bea at Max.
"Magandang tanghali po, Nay." Bati ko kay Nanay Minda sabay mano.
"Ay! Nand'yan ka pala, Hijo. Halika pasok ka muna. Wala pa si Bea may pinabili lang ako saglit sa tindahan."
Hindi naman ako nagdalawang isip na tanggapin ang paanyaya ni Nanay Minda. Ilang beses na rin akong nakapunta rito sa bahay nina Bea at maayos naman akong
