لقاء في مستشفى المجانين

الحلقة 8 أبتدينا

أتصلت لينا ب الخواجة استا ولوا وحددت ميعاد وعرفت العنوان بالتفاصيل واستعدت هي ووالدتها في الموعد المتفق عليه و كان الطريق شاقا و المواصلات صعبة جدا لبعد المسافة حيث المزرعة على أول طريق القاهرة اسكندرية الصحراوي فصرخت فيها أمها

- ليلتك بيضا هتروحي المشوار ده كل يوم أزاي

- لما نروح هقوله لو في حاجة تانية وخلاص

- يعني أنتي مش عارفة من الاول دا احنا ركبنا خمس مواصلات لغاية دلوقتي

- يمكن في باص ل الشغل

- باص أبقى قابليني

- ربنا هيحلها من عنده

- لما نشوف يا رايقة

نزلوا من الميكروباص الاخير يسألون عن مزرعة چيليانا فوصف لهم أحد المارة

- في اخر الشارع الجاي

- الطريق طويل يعني نركب مواصله تاني

- لا مفيش هنا مواصلات تاني يا حجة

- ربنا يسترها

مشوا في طريقهم كما وصف لهم

- شكل السور اللي هناك ده هو سور المزرعة

- كويس يا ماما تبقى قريبة

- ولا قريبة ولا حاجة متهيأ لك

- قلت لك بلاش تيجي معا يه رجلك بتوجعك

- اهو مشوار زي ما يكون ربنا يسترها

- قربنا أن شاء الله

- أهو السور بقى قدامنا أهه دا الشارع طويل بقا لنا بدري ماشيين

- معلش يا ماما حقك عليا

- طيب يا اختي

وصلوا إلى باب المزرعة بعد عناء وسألوا الحارث

- خواجة استا ولوا موجود

- عا يزينه في حاجة

- لو سمحت قله لينا جت حسب الميعاد

- اه حضرتك أنسه لينا هو مدينا خبر أول ما توصلي تدخلي

- شكرا

- اتفضلى

- متشكرين يا اخويا

أدخلهم أحد الحراس فمشوا مسافة أخرى داخل المزرعة حتى وصلوا ألي البيت القائم وسط المزرعة وحوله طيور من كل الأصناف والألوان البجع والنعام والطواويس والعصافير والحمام كان منظرا رائعا حول القصر المبهر ادخلهم الحارث وأجلسهم ، دخلت سيدة ترحب بهم وتسألهم

- تحبوا تشربوا ايه

- أي عصير حضرتك

- عصير برتقان كويس

- أي حاجة من ايدك حلوه يا هانم

- هانم ايه يا ماما بس

- ممكن مانجا

- اه طبعا تحت امركوا

انصرفت الخادمة فتوجهت لينا إلى أمها

- هو لسه في حد بيقول هانم دلوقتي وبعدين دي الشغالة

- شغاله

- اه شغاله

أتى الخواجة استا ولوا يرحب بهم

- اهلا وسهلا

- أذيك يا خواجة استا ولوا

- يا بت قلت لك بابا استا ولوا ما تقوليش خواجة دي تاني

- حاضر يا بابا استا ولوا

- شرفتينا يا ست ام لينا

- يشرف مقدارك يا اخويا

- ها يا لينا هتشتغلي معانا زي ما اتفقنا

- مشوار كو بعيد أووي يا اخويا

- ما تقلقيش هنشوف حل ل الموضوع ده

- شوف يا باشا

- هههههه باشا أنتي قديمة أووي

- ههههه طب ينفع اقولك يا بيه

- ولا بيه ولا باشا قولي بابا استا ولوا

- قبل اي حاجة لازم اشكرك على وقفتك معانا من غير ما تعرفنا

- ولا شكر ولا حاجة مفيش داعي ل الكلام ده

- لا في داعي ، أنا لما بنتي قالت لي ان حضرتك اللي دفعت حساب المستشفى.

- هو انتي ما بيتبلش في بوئك فوله

- فوله ههههه دا انت خواجة من شبرا بقى هههه

- أنا كنت ساكن في شبرا فعلا عرفتي منين

- هههه طب كويس نبقى جيران

- شفتي بقى أننا ولاد بلد زي بعض يبقى مفيش بينا شكر

- لمؤخذه موضوع ولاد البلد ده كان زمان دلوقتي محدش بيدي حد حاجة من غير مقابل

- كلام سليم معاكي حق الدنيا فعلا وحشة ومعاكي حق تخافي على بنتك ولينا بالذات يتخاف عليها

- هو انا ناقصاك يا بابا استا ولوا

- أسمعي كلام الأكبر منك لازم تفهمي الدنيا على. حقيقتها

- يسلم بوئك ربنا يبارك لك يا رب

- أنا فاهمه يا بابا استا ولوا

- لو كنتي فاهمة أنتي ومراد مكنتوش تعبتوا ودخلتوا المستشفى

- أه و الله فعلا يا سي أستا ولوا

- و احنا غلطانين لأننا ربناكوا غلط

- ليه بس يا اخويا

- كان لازم تعلمهم يكونوا أقوى من كده ما يبقوش ورق أقل شوية هوى تطايرهم

- ما هو مكانش عندنا حاجة وأستخسرناها فيهم هو ده اللي عندنا وهو ده اللي عرفنا نديهلهم

- مش ذنبهم أن ما عندناش حاجة نديهالهم ده ذنبنا احنا

- المهم دلوقتي الشغل أنا هشتغل ايه وفين وازاي

- ههههه ما تستعجليش

- قلنا المكان بعيد ومواصلاته صعب

- من ناحية المواصلات ما تقلقيش ليها حلول كتيرة مش هسيبها تمشي مواصلات في عربيات نقل تبقى تركب فيها لغاية اقرب مكان

- نقل ليه يا اخويا هي معزة

- أنا عرفت مين اللي معلمها الألش القديم ده

- ههههه بتكلم جد ازاي هتركب عربية نقل

- تركب قدام

- جمب السواق لا طبعا

- هي هتركب على رجله دي مسافه بينها وبينه سيبيها عضمها ينشف ثم مفيش حد يستجري يبصلها طول ما هي معايه

- طيب المواعيد يا اخويا المهم ما تتأخرش بالليل

- لا مش هأخرها عايزة حاجة تاني

- تسلم يا بيه

- بقولك ايه مش عندك ولدين

- اه عندي

- هاتيهم يشتغلوا معاها

- ياريت حتى يرجعوا سوى

- هاتيهم بكره

- ربنا يخليك يا رب

- عشان تكوني مطمئنة

- اهو بدل شغل التو كتوك والمحلات والبهدلة

- ان شاء الله يرتاحوا عندنا

- ربنا يريح قلبك كمان وكمان يا رب

- لكن برضوا أنا مفهمتش

- مفهمتيش ايه

- مش قلت لي مفيش حاجة ببلاش

- اه

- طيب ايه اللي هت**به من ورا كل ده

- ه**ب ناس جديدة تدخل حياتي وتغيرها

- مش عارفه ليه الموضوع مش داخل دماغي

- مسير الايام تثبتلك أن نيتي مش شر

- لا معاش اللي يقول كده بس برضوا الكلام مش داخل دماغي وموضوع أن لينا بتفكرك ببنتك ده برضوا مش داخل دماغي

- مش بقول ما بتتبلش في بوئك فولة

- أصل أنا ما باكلش من الكلام ده

- أنتوا هنا بتاكلوا الكلام المصريين دول بياكلوا حاجات غريبة يا اخي

- هههههههه والله دمك خفيف بس برضوا عايزة افهم

- يا ست ام لينا ما تحمنيش تخمينات مش صح اكيد أنا مش هعا**ها ولا عايز منها حاجة دي اد حفيدي مش اد عيالي حتى أنا كبرت ع الكلام ده

- يا بيه أنا ما قلتش كده ما تقولنيش كلام ما قولتوش

- برضوا هتقولي بيه تاني ياست أنا مش بيه ولا باشا

- أنت كده فعلا مش بيه ولا باشا أنت كده ملاك بقى جاي تحل لنا كل مشاكلنا

- هو ده اللي انتوا فالحين فيه التريقه

- برضوا مش هتفهمني

- يا ست قومي قبل الدنيا ما تضلم عشان تروحي خليني اشوف عربية تروحكوا

- كمان ده كرم زايد مش عارفة والله اقولك ايه

- ما تقوليش حاجة وتبعتي الاولاد الصبح مع لينا تمام

- تمام

-