MABILIS NA INIKOT ni Claryvel ang kagubatan sa paghahanap kay Nate. Halos naikot na niya ang kagubatan sa paligid ng kuweba. Takot na takot siya at sobrang nag-aalala. Lumipad siya paitaas upang muling magmasid sa paligid. Naluluha siyang hindi mawala ang matinding kaba sa kanyang dibdib.
"Claryvel!" sigaw ni Mira. Nilapitan nito si Claryvel. Napuna nito ang labis na takot at pag-aalala ng dalaga. "Napapansin ko na espesyal sa iyo si Nate, higit pa sa isang tagapagligtas. Hindi ko na aalamin pa kung ano ang namamagitan sa inyo. Ngunit pakiusap ko lamang, na sa oras na makita mo siya na bihag ng mga mandirigmang habo, huwag ka sanang magpadalos-dalos. Hindi mo sila makakayang mag-isa. Pigilan mo ang iyong sarili. Mahahanap natin siya. Magkakasama tayong ililigtas siya. Magkakasama tayong b
