~ SA ISLA NG DULOM ~
AKO ANG SUGO ng mga habo. Ako si Prinsesa Deza. Sa aking panaginip, muli kong nakita si Nate. Guwapo siyang binata na minahal ko, maamo ang mukha at mapapansin mo ang kilay niyang makapal na matipunong tingnan. Sa kabila ng maamo niyang hitsura, isa siyang demonyo! Manloloko! Mapanlinlang na kutong lupa na hindi na nararapat mabuhay! Sinamantala niya ang pagtitiwala ko. Pinaibig niya ako at buong pusong minahal ko siya. Ngunit hindi ako nag-iisa sa buhay niya. Marami kaming babaeng pinaikot niya! At nang ipaglaban ko ang nararamdaman ko para sa kanya, kinasuklaman niya ako. Itinuring niya akong piste na dapat na mawala sa kanyang landas. Ako raw ang hadlang sa kanyang kaligayahan, kaya tinangka niya akong kitilin! Kinasusuklaman ko siya! Ipaparanas ko sa kanya ang lah
