"WOW!" REAKSYON KO nang marating namin ang malawak na damuhan. Parang painting ang tanawin. May mga bulaklak sa paligid na iba't ibang kulay at mga bato na iba-iba ang sukat na parang denesinyo talaga para sa perpektong landscape na bumubusog sa mga mata ko. Pero biglang kumulog at umiitim ang kalangitan. Kinabahan ako at napatingala. "Maaari kayang?" mahinang nasabi ko.
"Nate, takbo!" pasigaw na sabi ni Pinunong Kahab. "Hindi darating ang dalagang hinahanap mo, sadyang uulan lang at mukhang malakas!"
Napansin ko na lang na mabilis na silang tumatakbo. Si Shem-shem lumipad na at dumapo kay Mira. Iniwan talaga nila ako? Pero ito na ang pagkakataon para ilabas ko ang mga dahon na kanina pa ako kating-kating subukan! Nag-concentrate ako at inisip ang paglabas ng mga dahon. May naramdaman ak
