ANG HARING SI Hastro ay mapagsamantala, tuso at walang awa. Sinasamantala niya ang kahinaan ng mga nilalang; ang kalungkutan at galit sa puso ng mga ito, upang gawing masama at umanib sa kanya. Bihasa siya at master na ang paggamit ng maraot o itim na mahika. At upang mas mapalakas ang kanyang kapangyarihan, kailangan niya ng marhay o mahiwagang pulbos na makukuha sa kuweba na nasa ilalim ng palasyo ng Ezharta kung saan matatagpuan ang Puno ng Marahay na pinagmumulan ng pulbos na kukunin sa batis sa paanan ng mahiwagang puno na tinatawag na burabod.
Batid ni Hastro na mahigpit ang pangangalaga ng mga Ezhartan sa palasyo at hindi pa nila makakayang tapatan ang kapangyarihan ng reynang si Kheizhara. Kaya sa mga taong lumipas, ang pagpapalakas ng kanilang pangkat ang kanyang ginawa at ang ma
