KINABUKASAN, NAGMADALI kaming marating ang bunganga ng kuweba na nakasaad sa mapa sa aking palad, ang kuwebang tinatawag na Bulsutan sa bayang ito ng Vhirac. Madilim pa lang ay nag-umpisa na kaming maglakbay. Tinakbo namin ang papunta sa kuweba dahil dapat ay maaga naming marating iyon. Kailangan may liwanag pa upang mahanap namin ang palabas ng kuweba. Sa kalagitnaan ng aming pagtakbo, dumating si Bangis. Pinasakay niya ako sa kanyang likod, napakabilis niyang tumakbo at parang walang pagod. Ang mga kasama namin ay nilipad na ang daan upang makasabay sa bilis ni Bangis. Ang dapat ay halos walong oras na lakad ay nakuha namin ng wala pang tatlong oras. Niyakap ko si Bangis bago siya muling umalis.
MAGKITA TAYO SA PALASYO, PAGKATAPOS NG INYONG MISYON, salitang binitiwan niya sa isip ko.
A
