البارت الخامس

1650 Words

راحو الشيوخ وبقه القرار يم شيخ سجاد ويم ليث لو ينكتلون او ينطون اخواتهم فصليات همه رفضو وافقو تستمر المشكله وحتى لو جان دمهم ينطو اهم شي خواتهم ميوصلن شيخ سجاد:بوويه اني مانطي اختي فصليه وانطيهم.دمي كرار:شووف شوصلتونه بواسلفكم مال عشاير هاي نهايتهه ماتوبون منهه اخر شي لو تنطي دمك لو تنطي اختك هيه هاي المشيخه وهاي العشاير تبقون هذا التخلف متطورون . . . . . .. . . . . . . . . . . . . . . . . . . . . . . . . . . . . شيخ سجاد:انته اخر من يتكلم هسه يله تذكرتنه وجاي صارلك سنين امك وابوك لربوك وتعبو عليكم عفتهم وطلعت وخليتهم بس يبجون عليك انته شحاسب نفسك هم زلمه علينه وجااي تحجي ??? كرار:ع الاقل ماراح تروح اخاي فصليه من ورايي وبسبب مشاكلي الي ماتخلص من وراك ومن وره افعالك مال مشيخه شيخ سجاد:دتعال بيك خيررر واريد اض*به ولزمني ابووي شيخ سجاد:لك سااقط انته شايف نفسك علينه ???? ابو سجاد:ولكم كااافي تتعاركون واني موجود بيناتكم لو اموت شسوون هيج وصلتو. كرار:لا بويه عمرك طويل انشاء الله شيخ سجاد:من عمرنه ع عمرك بويه ابو سجاد:ياطايحين الحظ شخليتو بعمرري اذا كبالي وتتجاتلون جا بعد عليمن عايش انه على هذا اليوم المصخم الشوف بي ولدي هيجي ماريده شيخ سجاد:اعذرني بويه وحقك عليه وبسته من ايده ومن راسه وانشاء الله هاي اول واخر مره كرار:بويه اسف ماتنعاد . . . . . . . . . . .. . . . . . . . . . . . . . . . . . . . . . . . . . . . . . . . ليث:من هسه من بعد ماراحو الشيوخ وبقينه بس احنه اني اختي مانطيهه فصليه وانطي دمي وروحي. بس تحرم اختي تروح فصليه الجد:شني احنه نطينه ولد واحد مابقه غيرك ماننطيك هم تنجتل على ايدهم اختك ماراح تموت راح تروح. فصليه ومايكدرون يحاجونهه اخت شيخ هم راح تصير مرتك وحده بوحده . . . . . .. . . . . . . . . . . . . . . . . . . . . . . . . . . . . ليث: ماعندي كلام ثاني اختي ماتروح فصليه الا على جثتي. واعذروني وطلعت من ديوان رحت برا ختنكت افتر ورحت للمول ولكوفي لجنه نروحله اني ومحمد وماسيطرت على دموعي لو عايش هسه محمد ?? ماجان كل هذا صار عف*ني وحدي ليش خويه مو تواعدنه واحد مايعوف ثاني. . . . . . . . . . .. . . . . . . . . . . . . . . . . . . . . . . . . . . . . . . في بيت الشيخ سجاد دخلو من الديوان للبيت صبتلهم ميس العشه وكعدو يتعشون بس مو ع بعظهم ومبين اكو شي من عيونهم ام سجاد:ابو سجاد خيركم صاير شي ابو سجاد:ماكو شي ام سجاد:انته تكول غير شي وعيونك يكولن غير شي سولفلي شصاير. . . . . . .. . . . . . . . . . . . . . . . . . . . . . . . . . . . . ميس:اني رحت للمطبخ اسوي جاي لين. تعشيت قبلهم واجو متأخرين مثل مسويت طلعت من المطبخ وصلت الباب الصاله واسمع ابوي وامي يسولفوون لازمه صينيه الجاي كل الي سمعته ولهسه يرن بأذني لو تروح ميس فصليه لو ينكتل سجاد. ام سجااد'يمه ووليدي وبنتي اسم الله عليهم ?? ابو سجاد كول غيرهه . . . . . .. . . . . . . . . . . . . . . . . . . . . . . . . . . . . ميس:اني سمعتت وكعت من ايدي الصينيه وبقيت ارجف احس نفسي بعالم ثاني لو بحلم كام سجاد يحاجيني ووكرار ماحجييي بس عيوني يجررن ???? شيخ سجاد:ميسس لا تخافين ماتروحين فصليه. الا وكت تعبرين جثتيي. ميس:شسوي يااربي ??ماريد اروح فصليه ولا اريد اخويه ييصير بي شي. شنو الحل سجاااد ?????? شيخ سجاد:لا تبجين ميسو دموعج غاليه ولاتخافين تنحلل . . . . . .. . . . . . . . . . . . . . . . . . . . . . . . . . . . . كرار:ميس كافي لا تخافين منخليج ترحين ولا تعوفينه بعدين بعدني مشبعان من اكلج الطيب هناك مليت من البيتزا ولكنتاكي يوميه. انه متعلم هيج اريد من ايدج باجه وتشريب وبرياني ومسگوف هسه يله شفت باب الله وطلعت اختي معدله وتسوي اكل طيب حتى مانزوجج ميسوو ميس: ههههه كافي كرار يعني علمود بطنك. كرار: لاا هم عليج يعني بس صراحه اكثر ع بطني ميس:اخوي حنون كلش مو بيده ? . . . . . . . . . .. . . . . . . . . . . . . . . . . . . . . . . . . . . . . . . . في بيت الجد الجد:يردون ياخذون الحفيد ثاني النه ونبقه ع البنات. الجده: انه مااقبل وغصبا ماعليهم تروح هاي المسمومه فصليه. وليث ماننطي ابو ليث: يمممه ماسمحلج تحجين على بنتي كاافي تحملت هواي بس اني ليمس بناتي يمسني. عسل:جنه كاعدين فوك ونسمع الصياح وبابا يصيح ميمي:لج هذا مو صوت بابا عسل:اي والله ويكول بناتي شبينه ميمي:امشينه نشوف شكوو عسل:يله طلعنه ولكينه ماما هم طلعت من غرفتهه ام ليث:ها هم سمعتن ابوجن عسل:اي شكوو ام ليث. مادري خلي نشوف الله اليستر . . . . . . . . . .. . . . . . . . . . . . . . . . . . . . . . . . . . . . . . نزلنه نشوف شكوو وسمعت الجده تكوول ميس لتروح فصليه وليث ما ينجتل ولا انطي دمه عسل:بقيت بصدمه من الحجي شنو هلتخربط شكو وليش اني اروح فصليه وشنو يعني. تبيعيني تردين وبعدين ليش اخويه ينكتل اسم الله عليه ام ليث:ابو ليث شكوو فهمني شصاير هنا ا بو ليث:مادري شكلج ام ليث بس لحجي سمعتي صحيح ام ليث: شنو صحيح . . . . . . . .. . . . . . . . . . . . . . . . . . . . . . . . . . . . . . ليث:دخلت للبيت واسمع صياح وصوت عالي عرفت فتحو الموضوع اخواتي ميعرفن شنو فصليه بلضبط ودخلت عليهن ماكوو شي وسدو الموضوع وميس متروح ولا ل اي مكاان اصعدن لغرفتجن عسل: بس شنو الموضوع ليث ليش داتحجي هيج بيبتي اعرف تكرهنه بس مو لهلدرجه ليث:ميس لتحجين هوايه وكتلح اصعدي فوك عسل:ماشي ماشي باوعت ع بيبتي بحقد وصعدت. وصعدت ورايه ميمي ميمي:لج هاي شبيهه وشنو فصليه. بيبتنه حيه طلعت تدعي ع ليث وتريد تبيعج عسل :والله ماعرف بس لين تكره ماما هيج تحجس وتكرهنه هماتين معلينه بيهه باجر نروح يجينه خالو ونخلص منهه. بعد ولا نجي هنا ميمي:وويع اني اجي لهذا البيت الشرير . . . . . . . . . .. . . . . . . . . . . . . . . . . . . . . . . . . . . . . . . ميس:صعدت لغرفتي ونسيت لصار ونزلت اشرب مي وسمعت امي وسجاد يحجوون وامي تبجي تكله يمه يكتلونك. ? شلون اعيش بلياكم يجي واحد ويروح واحد يعني ماكدر المكم ببيتي واكعد ويه وليداتي شيخ سجاد:يمه فدوا لعيونج ابوس ايدج لاتبجين شسوي هاي خيتي لوحيده وروحي انطيهه الهه. ميس: تذكرت السالفه يعني اذا ماروح يكتلون سجاد ??? اوف شسوي اني. بعد تفكير قررت اروح فصليه لينن مستحيل اشوف اخوي ينكتل كدامي واني كدامي حل واكدر انقذه من ايدهم. دخلت عليهم وكتله سجاد . . . . . .. . . . . . . . . . . . . . . . . . . . . . . . . . . . . شيخ سجاد:ها ميسوو شعندج ميس:شوف خويه اني بعمري ما فارضه قرار عليك ولا بحياتي طالبه منك طلب ولا حاجيه وياك بقرار شيخ سجاد:كولي شعندج ميس:اجه ابوي واخوي كرار وكلتلهم اسمعوووي زين واني قراري ماغيره لوو تموتوني هنا. اني قا**ه اروح فصليه ولا ينمس شعرايه من سجاد ومن كرار ومن ابويه شيخ سجاد:لاتفكرين بهذا الشي اصلا ميس:بويه الحجي وياك تخابر عمامي وتخابر العشاير وتكلمهم باجرر اروح فصليه عفتهم وطلعت ورحت للغرفه مالتي قفلت الباب واني قررت قرار بحياتي وكدامي مستقبل مجهول ماعرف وين راح اصير واعرف الفصليه مالهه اي حقوق وكعدت ابجي ع حظي لجبرني اختار بين حياتي وحياة اخوي ?????? . . . . . . . . . . .. . . . . . . . . . . . . . . . . . . . . . . . . . . . . . عسل صار الصبح حظرنه اليوم يجي خالو ياخذنه كعدنه من وكت سبحت وبدلت ولبست بنطرون وبدي. اسود وشال اسود وباته بيضه وميمي لبست بينصل اسود وباته بيضه كملنه وسلمنه ع ماما بس مو ع بعظهم وع ليث كال يله بسرعه روحن ستغربت من كلامه شنو يريد يخلص من يمنه ليث:يابه خلي البنات يرحن ب6 يجيهن خالو قبل لا يكعد جدي بس يشوفهن ميخليهن يرحن لو بيبتي ابو ليث'بس ليث لازم تفكرر ليث:يابه انته تدري بيه اني احب اخواتي اكثر من نفسي ومستحيل اقبل وحده منهن يصير عليهه شي لو مو جان الثمن حياتي لا تناقشني بهذا الشي ابو ليث:مثل متريد . . . . . . . . .. . . . . . . . . . . . . . . . . . . . . . . . . . . . . . . . نزلت ميمي وعسل كلتلهه هسه انزل راحت ميمي سلمت ع خالهه وطلعت صعدت بلسياره وليث واكف هم بلباب وابو ليث نزلت عسل وجهه مگلوبب عسل:انييي بعد مااروح الكل تفاجأ :شنوووو ??? . . . . . . . .. . . . . . . . . . . . . . . . . . . . . . . . . . . . . . لاتنسون التصويت والاشتراك الكاتبه:noor ? . . . . . .. . . . . . . . . . . . . . . . . . . . . . . . . . . . .

Free reading for new users

Scan code to download app

App Store Google Play

Facebookexpand_more