ERIKA POV
Napakamot ako sa ulo ng makita ko si Denmark na nakatayo sa pintuan. Ang akala ko ay susunduin pa silang dalawa ni kuya Isko. Pero hindi ako lubos makapaniwala na nandito siya ngayon sa harapan ko. Siguro ay nag commute siya para makauwi.
Subalit pumasok din si sir James at inakbayan niya si Denmark. Sabay silang naupo at hindi pa rin ako makapaniwala na nandito na sila.
"Sir, akala ko po hindi pa kayo uuwi?" tanong ni kuya Isko na nagbalik sa akin sa realidad.
"Eh nag commute na lang kaming dalawa nitong si Denmark kasi alam ko naman na ma trapik. Siguro kailangan ko na rin bumili ng isa pang sasakyan para hindi na tayo mahihirapan sa susunod."
Kahit na nasa gilid lamang ng mga mata ko si Denmark, nakikita ko naman na galit ito sa akin. Natatakot ako sa kanya sa hindi ko
