Liah's PoV
Pareho kaming nakaupo sa upuan ng counter table habang hinihintay maluto iyong adobo niya. Amoy pa lang, mukhang mabango na kaya mas lalo akong nagutom.
Habang naghihintay ay nag-uusap kami tungkol sa kung ano-anong bagay. Madalas siyang mang-asar at kung puwede lang siyang batuhin ng kung ano-ano, ginawa ko na.
Ilang beses na ring may pumasok sa kitchen at natatarantang lumabas kapag nakikita kami. Sinabi tuloy ni Psalm ipapa-renovate niya iyong isang kuwarto sa taas para doon na lang kami magluto kasi marami raw istorbo rito sa baba. Kulang na nga lang, lagyan niya ng karatula na bawal pumasok kasi nandoon siya.
"Ikaw, ano bang paborito mong ulam? Para mapag-aralan ko rin? Next time ako naman magluto?" I asked him. Palagi na lang kasing ako. Sinagot ko na rin naman iyon
