HINDI alam ni Keira paano gagalaw o kahit hihinga dahil sa biglaang pagsulpot ng nanay ni Ruan sa mansion ni Silas. Parang makahiyang natiklop naman ang dalawang lalaki kahit kasama niya doon ang mga ito. Mabuti at naisipan niyang magsuot ng appropriate dahil madalas oversized shirt at boyleg lang suot niya. Wala din naman kasi palaging tao doon at ngayon lang umuwi sina Ruan at Silas. Ang asong alaga ng mga ito ang kasama niya at kasabay kumain palagi.
"Ipaliwanag niyo ngayong dalawa sa akin bakit siya nandito? Hindi ba't mayaman ang pamilya niyan?"
Napayuko siya nang madinig na magsalita ang nanay ni Ruan. Mas mataray ito kaysa sa tita Cali niya at mas malakas ang boses kaysa sa tita Via niya. Version 2.0 ito ng mga tiyahin niya in short. Tumahol si Cookie na nakaupo sa may tabi niya n
