BUONG biyahe pauwi sa Bulacan inisip ni Ruan ang tungkol sa pagtatapat ni Keira sa kanya. Gusto siya nito at ayos lang daw kahit hindi sila pareho ng nararamdaman. Ang hindi alam nito pareho na sila nagkakagusto sa isa't isa. Ang tanging kaibahan lang ay natatakot pa siyang umamin. Para sa kanya, madaming hindi sasang-ayon kung sakaling sumugal 'man sila.
"Kamusta ang La Union?" tanong ni Silas sa kanya.
"La Union pa din," tugon niya dito.
"Nagsabi ka na ba?" Hindi siya sumagot na dahilan para sunod sunod na mapailing ang kaibigan. "Yung ka-torpehan mo pwede humakot ng award, detective."
"Mahirap pagtugmain ang dalawang magkaibang mundo,"
"Sabi ko sa 'yo subukan mo muna bago mo sabihing mahirap. Malinis naman intensyon mo sa kanya saka yung sinabi ng boss mo h'
