Nasa loob ng kanyang clinic si Maxwell. Nakaupo siya sa kanyang swivel chair at nakatingin sa malayo.
Hanggang ngayon ay hindi siya makapaniwala sa mga narinig na kwento at karanasan mula kay David. Hindi niya akalain na matindi pala ang pinagdaanan nitong hirap at pasakit sa kamay ng sariling asawa bago pa magtagpo ang kanilang mga landas.
Malalim na napabuntong-hininga si Maxwell. Sa tingin naman niya ay nagsasabi ng totoo si David sa kanya. Kitang-kita niya iyon, diretso ang tingin ng mga mata nito na puno ng kalungkutan at parang maiiyak na sa harapan niya.
“Natiis niya ang lahat ng iyon at ngayon lamang siya nagkaroon ng lakas ng loob para tumakas.”
Umayos sa pag-upo si Maxwell sa kanyang swivel chair. Inusog ito ng bahagya palapit sa office desk niya saka binuksan ang laptop na
