Alya Maia “AMARIE” Rientes
Nagtipon-tipon kami sa gitna ng stage. Iwinagayway namin ang aming mga kamay upang magpaalam sa ating mga kababayan pagkatapos ng aming show. Sabay-sabay kaming yumuko upang magpakita ng taos pusong pasasalamat at respeto.
Nang i-angat ang aming mga ulo ay nagbigay kami ng pagsaludo dahil para sa amin ay isa silang mga bayani. ‘Wala ng makakapantay sa kani-kanilang pagsasakripisyo para sa kanilang mga pamilya. Hindi lang sa pamilya kun’di sa ating bansa.’
“Laban lang!” sigaw naming lahat. May mga taong nagpapahid ng kanilang mga luha. Ang iba naman ay masayang sumisigaw habang nakataas ang kanilang mga kamay. Ang ilan ay sumasabay sa background music na inilaan para sa kanila.
Ito na ang huling araw namin dito sa Florida. Bago ang aming flight ay nagkaroon k
