Alya Maia “AMARIE” Rientes
Dahil nakatalikod sa lamesa nina Kael ay hindi ko ito nakikita. Nagulat na lang ako ng biglang nagsipuntahan ang mga babae sa lamesa, bit-bit ang plato na pinagkakainan nila.
“Alya, malapit na ang birthday ng baby ko, pupunta ka, ‘di ba?!” sabi ni Abby. Puno pa ang bibig niya habang nagsasalita. “Sorry!” Tinakpan niya ang kaniyang bibig na puno ng pagkain.
“I will try, Abby! Puno na kasi ang schedule ko.”
“Hindi kami papayag!” sabi ni Jayana. “Kung iniiwasan mo si Kael ay hindi na namin siya papupuntahin sa party para makasama ka lang.”
Ngumiti ako, “‘Wag niyo gagawin iyan, ha! Bago lang ako sa grupo niyo at ayoko na ako pa ang maging dahilan para magka problema kayo!” sagot ko.
“Nakakairita talaga!” sabi ni Des sabay irap sa kabilang lamesa. “Ganiyan na ga
