Alya Maia “AMARIE” Rientes
‘Sa wakas, nakapagpahinga rin after a long and busy tiring day.’ Tumingin ako sa aking orasan. ‘It’s already one in the morning.’ Dala ang aking mga gamit ay nagtungo na ako sa aking sasakyan. Kinatok ko pa ang bintana para lang gisingin si Kuya Jeff na nakatulog na sa sasakyan.
Pagsakay ko sa passenger seat ay sumandal ako sa upuan at ipinikit ang aking mata. Itinaas ko rin ang aking mga paa na kanina pa nangangalay sa pagtayo.
“Kuya Jeff, dumaan ba kanina si Yna?” tanong ko habang nakapikit.
“Opo, Ma’am Alya. Busy lang kayo kanina kaya hindi na kayo inistorbo.”
Dinilat ko ang aking mata nang mapagtanto na hindi pa pinapaandar ni Kuya Jeff ang sasakyan. Nakita ko siyang patingin-tingin sa labas na wari’y may hinihintay.
“Kuya, tara na! Para makapagpahinga
