Nabitawan ko ang dahon at agad akong napaatras sa takot. Ngunit nagulat pa ako nang may maapakan akong bagay na nag-ingay.
Shit!
"Sinong nandiyan?" Malamig na saad ng isang boses na kinasinhap ko.
Double s**t!
Hindi na ako nag-isip pa at basta na lang akong tumakbo. Ni hindi ko na tiningnan ang lugar na pinupuntahan. Ang importante ay makalayo ako at ang importante ay hindi niya ako makita.
Takbo lang ako nang takbo kahit pa ramdam ko ang panlalabo ng aking mga mata dahil sa luhang gustong kumawala.
At hindi ko maiwasan ang magtanong.
Bakit?
Bakit siya nandito?
Tama ba ang narinig ko? Tinawag niya ang babae bilang Zai? Kung siya nga talaga ang lalaking iyon bakit naman niya sasambitin ang pangalan na iyon?
At kung siya nga talaga ang lalaking iyon ay ano lang ang gagawin ko? Paa
