"Ako aakyat," sabi ni Ghian at siya ang unang umakyat sa puno ng niyog para makakuha ng mga buko na maaari naming inumin pero ang iba ay nagsi-akyatan na rin sa iba pang mga puno.
"Eh paano naman natin 'yan maiinom? Wala naman tayong pangbiyak niyan?" reklamo ni Honey. Number one talagang reklamador ito eh. Hindi na lang mag-isip ng paraan.
"Eh 'di nguyain mo na lang ang balat," nakaismid na sagot naman ni Cedric sa kaniya habang nakaupo sa lupa at nakatingala sa mga nag-aakyatan sa puno.
"Nye, nye, nye, nye, nye! Nakakatawa 'yon," sagot naman ni Honey na akala mo'y bata.
"Hoy, bumbay! Mamigay ka naman d'yan!" Napalingon naman kami kay Geoffrey na kumakain ng saging pero hindi man lang niya pinansin si Honey at sa halip ay kay Beauty niya ibinigay ang iba pa niyang hawak na saging at
