Bago pumasok sa gate ng academy ay muli kaming sumakay sa aming mga sasakyan. Pagpasok sa loob ay bumungad sa amin ang malawak na kagubatan, matataas at mayayabong na punong-kahoy, matataas na talahib, maraming nagliliparan na mga ibon, mga naglalambitin na unggoy.
Hindi kaya puno ng mga mababangis na hayop di-"Aayyy!!!" napasigaw kaming lahat nang biglang huminto ang aming sasakyan at sabay-sabay kaming basubsob sa unahan.
"May nabangga tayo!" sigaw ng driver sa unahan kaya napatayo kaming tatlo ni Honey at Lyka.
"Nabangga? Ano naman kaya iyon?" tanong ni Lyka.
"Tingnan natin," sabi ni Honey kaya nagkumahog kaming lumabas. Nagsilabasan din ang ilan.
Paglabas namin ay naabutan na namin sila kuyang driver, Commander at ilan sa aming mga kasama na nakapalibot na sa isang hayop na sa
