Natapos ang aming beach trip sa Matabungkay Beach Resort at ilang days lang ang dumaan at ngayon ay patungo naman kami ng Boracay kasama ang dalawa naming alalay.
Alalay? Oo, alalay dahil iyong dalawa sa likuran namin ni Cedric na si Skipper at Selenah ay mapapanis na ang laway dahil sa tindi ng pagkakaikom ng mga labi. Wala man lang kaming marinig kahit kaunting piyok. Ano ba naman itong dalawang ito? Mga Alien?!
Siguro ang boring ng isang relasyon kapag pareho kayong tahimik. Oh baka, nagkakahiyaan lang. Bahala nga kayo d'yan.
Narito kami ngayon sa airplane at ilang minuto na lang ay lalapag na kami kaya ginising ko na itong kulugo kong katabi. Ang sarap-sarap ng tulog habang nakasandal sa aking balikat at naka-intertwine ang aming mga daliri.
"Babe, lilipad na ang kalabaw," sabi ko
