Medyo tahimik na lang ako habang nasa biyahe kami papunta sa Baguio. Hindi ko kinakausap si Jax dahil bigla akong nawala sa mood. Ano kaya ang dahilan kung bakit niya pinalitan ang password ng phone niya? Tapos ni hindi man lang niya sinabi sa akin kung bakit niya pinalitan ang password niya. Pakiramdam ko tuloy ay habang tumatagal ay hindi na naga-update sa akin si Jax. Naiintindihan ko pa noong nakaraan kung bakit hindi na siya masiyadong naga-update sa akin. Dahil nagtatampo siya na hindi na ako nakakauwi sa bahay namin at hindi na niya ako nakakausap ng ayos. Pero sa tingin ko ay sobra naman na ito na pati ang passsword ng phone niya ay pinalitan niya nang hindi man lang sinasabi sa akin. Tapos wala rin ang fingerprint ko sa phone niya.
"Love, inaantok ka ba? Pwede mo naman na i-adju
