It’s our second day here in Baguio City, but unfortunately I got sick. Nilagnat ako. Kanina pang umaga ay biglang sumakit ng sobra ang ulo ko na parang binibiyak. Hindi ako makatayo. Tapos naramdaman ko na lang na sobrang init ko. Hindi na nga kami naka-aircon ngayon dito sa kwarto namin dahil sobrang nilalamig ako. May heater din dito pero hindi tumatalab sa akin. Siguro ay nabigla ako sa biglang gumala kahit pagod pa galing sa trabaho.
“Ayi, sigurado ka ba na hindi na kita dadalhin sa ospital ngayon? May malapit naman na ospital dito,” sambit pa sa akin ni Jax.
Pinakain na niya ako kanina ng lugaw pero wala akong panglasa. Ang bilis pa ngang lumamig ng lugaw na ‘yon. Wala rin akong gana na kumain. Nakapikit lang ako ngayon dahil sobrang sakit ng ulo ko. Sobrang kapal na nga ng kumot
