Lumipas ang dalawang araw at medyo hindi pa rin ako komportable kapag kasama ko si Jax. Pakiramdam ko ay sobrang laki ng naging pagbabago niya sa ilang linggo na hindi kami nagkita dahil nasa trabaho ako. Sa mga araw na hindi ko siya nakausap at nakasama, pakiramdam ko ay doon nagsimula ang pagbabago niya.
Naisip ko rin na sisihin ang sarili ko. Sa tingin ko talaga ay nagkukulang na rin ako sa kaniya ngayon. Simula noong naging mag-asawa kami ay hindi pa kami nakakapagsama katulad ng isang normal na mag-asawa talaga. Did I just married him because I was afraid that we won't end up together in the future? Dahil ba sa tagal ng relasyon namin, kaya pumayag na ako na magpakasal na kami? Dahil sa nakikita ko ngayon sa sarili ko, mukhang hindi pa talaga ako handa na maging isang asawa. Hindi k
